Sinner pezullohet 3 muaj nga tenisi, italiani rezultoi pozitiv në testet e doping

Numri 1 i botës në tenis, Janik Siner është pezulluar për 3 muaj pasi rezultoi pozitiv në testin e doping. Italiani arriti akord me agjencinë ndërkombëtare, ndërsa në këtë periudhë do të humbasë 4 kompeticione.

Rrezikonte pezullimin për 2 vite, por Jannik Sinner, numri 1 i botës në tenis ia hodhi paq, pasi do të mungojë vetëm 3 muaj. Vendimi është konfirmuar në orët e fundit, ku bëhet me dije se 23-vjecari është dakordësua me agjencinë ndërkombëtare të anti-doping për të mos marrë pjesë në asnjë kompeticion zyrtar në periudhën 3 mujore.

“Agjencia Botërore Anti-Doping (Wada) konfirmon se ka arritur një marrëveshje për të zgjidhur çështjen në lidhje me tenistin italian Jannik Sinner, me atletin që pranon një periudhë tre-mujore të papërshtatshmërisë për një shkelje të rregullave antidoping pasi testoi pozitiv për clostebol, një substancë e ndaluar, në mars 2024, thuhet në njoftimin e bërë.

Sinner rezultoi pozitiv në testin e doping, ku substance clostebol u konstatua në organizmin e tij, ndërsa vetë sportisti pohoi se nuk kishte informacion, por dyshonte se mund të jetë përçuar në trupin e tij nëpërmjet barnave, ku më herët ishte mjekuar si pasojë e një dëmtimi. Kjo u mor parasysh nga Wada, e cila zbuti dënimin për Sinner, ndërsa një njoftimin e bërë pohoi se tenisti nuk ishte në dijeni të kësaj substance, e cila pavarësisht se u konstatua në organizëm, nuk kishte ndikuar në performancën e tij.

Indian Wells, Monte Carlo, Miami dhe Madridi do të jenë ngjarjet më të rëndësishme që ai do të mungojë përpara se të kthehet në maj për të luajtur në Romë.

LEXONI GJITHASHTU:

• Djokovic tërhiqet nga gara, Zverev dhe Sinner në finalen e Australian Open
• Sinner fiton trofeun e 7-të sezonal, italiani triumfon në Shangai