2 javë më parë humbiste finalen e Pekinit, por duket se një titull i humbur nuk ndikon në mentalitetin e një kampioni, i cili u rikthye edhe më i fortë.

Jannik Sinner, njeriu i momentit fitoi trofeun e Shangait, duke mposhtur në finale një emër të madh të raketës, siç është Djokovic. Me rezultatin 2-0 Sinner i dha një leksion serbit, duke i rrëmbyer trofeun, në sezonin më të suksesshëm të karrierës së tij.

Jannik Sinner ishte dominues duke i fituar të dyja setet, ku në të parin vështirësia ishte më e madhe. 7-6 seti i parë dhe 6-3 në të dytin, kaq i mjaftoi 23-vjecarit që të fitonte trofeun e 7-të sezonal në tenis. Një vit plot me arritje, teksa ishte shumë pranë fitimit të titullit në Pekin, por u mposht në finalen e madhe nga Alcaraz.

Pavarësisht asaj disfare, italiani u kthye edhe më i fortë, duke mposhtur numrin 4 të botës, me Sinner që rikthehet në krye të piramidës botërore të tenisit. Sa i përket 5 më të mirëve, i dytë renditet Alcaraz më pas Zverer, Djokovic e në vendin e pestë, rusi Daniil Medvedev.

LEXONI GJITHASHTU:

• Startup Window: Kineton Albania – Software-i Shqiptar për McLaren!
• Kualifikohet Medvedev, fiton 3-2 ndaj gjermanit Zverer. Djokovic bie në gjysmëfinale