Përplasi për vdekje këmbësorin në aksin Korçë-Pogradec, arrestohet shoferi 37-vjeçar

Një aksident tragjik ka ndodhur mbrëmë në aksin “Korçë – Pogradec”, ku një këmbësor ka humbur jetën pas përplasjes nga një automjet.

Ndërkohë, ditën e sotme është bërë e mundur arrestimi i 37-vjeçarit i cili dyshohet se ka goditur këmbësorin Frederik Balliu 62-vjeç, banues në Pogradec i cili ndërroi jetë.

Njoftimi i policisë:

Në vijim të informacionit paraprak të dhënë mbrëmjen e djeshme, për aksidentin e ndodhur në aksin “Korçë – Pogradec”, bëjmë me dije se në vijim të veprimeve procedurale, specialistët e Sektorit të Qarkullimit Rrugor arrestuan në flagrancë shtetasin G. Ç., 37 vjeç, banues në Sovjan, Maliq, pasi dyshohet se ka përplasur shtetasin F. B,. 62 vjeç, banues në Pogradec, këmbësor, i cili për pasojë humbi jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprën penale “Shkelja e rregullave të qarkullimit rrugor”, me pasojë vdekjen.

LEXONI GJITHASHTU:

• Aksidenti me një viktimë në aksin Peqin-Rrogozhinë, arrestohet shoferi 38-vjeçar
• Lëvizte i armatosur, arrestohet në Vlorë personi me rrezikshmëri të lartë (Emri)