Primaret pa kufij| Hysaj për pjesëmarrësit: Ka pasur edhe kandidatë nga diaspora

Jola Hysaj, anëtare e kryesisë së PD dhe Sekretare për Marrëdhëniet me Publikun, ishte e ftuar këtë të dielë në emisionin “Review” për të folur lidhur me procesin e Primareve të PD të cilat janë mbyllur tashmë. Në diskutimet për rezultateve të këtyre primareve, Hysaj tregon një detaj tjetër se pjesëmarrës të primareve kanë qenë dhe përfaqësues nga diaspora.

“Në primare ka pasur përfaqësues nga diaspora, edhe diaspora është futur brenda primareve të PD. Në momentin që na kanë ardhur të gjithë kandidaturat, kanë qenë dhe përfaqësuesit e diasporës. Po të marrim rastin e Durësit, ne kemi pasur 2-3 përfaqësues të diasporës.

Edhe Skënder Dika me 275 vota, vjen nga Italia, ka qeenë deputet dhe vjen nga diaspora si kandidaturë. Ka dhe të tjerë brenda qarkut të Durësit që vijnë nga diaspora dhe për këtë lloj arsye mendoj që të gjitha qarqet kanë pasur. I kemi lënë mundësinë kujtdo që ka dashur të jetë pjesë e primareve”, tha Jola Hysaj.

LEXONI GJITHASHTU:

• Lita zbardh sekretet e primareve: PD po kamuflon një proces demokratik…
• Berisha voton për primaret: Ditë e rëndësishme për pluralizmin politik e lirinë