Tentoi të vjedhë në një pikë këmbimi valutor i armatosur, në kërkim autori

Policia e Gjirokastrës është vënë në kërkim të një personi i cili dyshohet se ka tentuar të vjedhë në një pikë të këmbimit valutor. Gjatë tentativës së tij për vjedhje, autori dyshohet të ketë përdorur një armë zjarri.

Njoftim i policisë:

Rreth orës 11:45, në lagjen “18 Shtatori”, dyshohet se një shtetas i paidentifikuar, duke përdorur një send në dukje armë zjarri, ka tentuar të vjedhë në një pikë të këmbimit valutor.

Menjëherë në vendngjarje kanë shkuar shërbimet e Policisë, të cilët kanë administruar kamerat e subjekti, si dhe po kryejnë kontrolle në zonë, me qëllim identifikimin dhe kapjen e autorit.

Grupi hetimor, në drejtimin e Prokurorisë, po punon për zbardhjen dhe dokumentimin e rrethanave të rastit.

LEXONI GJITHASHTU:

• Shkoi të merrte vëllanë në aeroport, si ndodhi aksidenti i rëndë me 4 viktima
• Vrasja e Fatbardh Licit, Apeli i GJKKO-së lë në burg Safet Bajrin