Konferenca e parë ndërqeveritare, kryenegociatori Mazi takim me sekretarin sllovak për Punët e Jashtme

1 Maj 2021 | 11:27

Ditën e djeshme, kryenegociatori i Shqipërisë me Bashkimin Evropian, Zef Mazi priti në  Kryeministri Sekretarin e Shtetit të Ministrisë së Punëve të Jashtme dhe Europën të Sllovakisë, Martin Klus.

Mësohet se tema kryesore e takimit ishte procesi aktual dhe ndërmarrja e hapave të ardhshëm për rrugëtimin integrues të Shqipërisë në BE.

Gjatë takimit kryenegociatori i shprehu z.Klus mirënjohjen për mbështetjen që Sllovakia i ka dhënë Shqipërisë si dhe folën për nevojën e përshpejtimit të proceseve integruese si për Shqipërinë ashtu dhe për vendet e tjera të Ballkanit Perëndimor, si një trend i cili nuk duhet të zbehet.

Gjithashtu, zoti Mazi bëri një pasqyrim të realizimit plotësisht nga Shqipëria të detyrave të lëna në Konkluzionet e Këshillit të Marsit 2020.

Ndërsa, sekretari i Shtetit z.Klus shprehu vlerësimet më të larta për reformat e ndërmarra nga Shqipëria në fushën e drejtësisë, lirive themelore dhe luftën ndaj krimit të organizuar.

Ai nënvizoi se reforma në drejtësi e Shqipërisë është reforma më e plotë e realizuar në këtë fushë nga një vend kandidat për BE-në.

Në mbyllje të takimit, kryenegociatori Mazi dhe Sekretari i Shtetit sllovak ranë dakord për vijimin dhe hapjen e konferencës së parë ndërqeveritare Shqipëri-BE.

Sakaq, u ra dakord për të krijuar bashkëpunime teknike mes dy vendeve për disa fusha të caktuara ku Sllovakia ka ekspertizën e duhur.

Nuk mungoi edhe një ftesë nga z.Klus për kryenegociatorin Mazi për një vizitë zyrtare në Sllovaki gjatë muajit maj.

https://twitter.com/martin_klus/status/1388394898668261376

Home Kryefaqja
Shiko në: YouTube
Lajme të Sugjeruara

Lamallari për ngjarjen në Maliq: Do të bëhet vlerësim i plotë dhe do të merren masat e duhura

Ministri i Punëve të Brendshme, Besfort Lamallari, reagoi në seancën plenare të Kuvendit lidhur me ngjarjen e rëndë të ndodhur në Maliq, ku humbi jetën...
12:13 | 04/06/2026

Zvërneci përplas PS-PD në Kuvend, Bido: Ku ishit më 30 maj, pse nuk folët?! Balliu: Ju folët vetëm pse doli videoja

Sitiata e krijuar në Zvërnec dhe protestat qytetare që pasuan incidentet e ndodhura kanë zbritur në Kuvend dhe janë shoqëruar me përplasje mes deputetëve të...
12:05 | 04/06/2026

Strazimiri përplaset me Lëvizjen Bashkë për protestën: 70% e qytetarëve ishin demokratë

Gjatë seancës plenare sdot në Kuvend, deputeti i Partisë Demokratike, Gent Strazimiri, pati diska replika me deputetin e Lëvizjes Bashkë, Redi Muçi. Në fjalën e...
11:55 | 04/06/2026