LaCivita strategu i këtyre zgjedhjeve? Xhaferri zbardh rolin e këshilltarit amerikan

Besart Xhaferri kandidat për deputet i Partisë Demokratike tha në emisionin Review në Euronews Albania se fushata e PD do mbështetet te programi dhe te takime derë më derë me qytetarët.

Ai u shpreh se Chris LaCivita është strateg i zgjedhjeve të PD dhe jo thjesht gjetje simbolike si njëri i besuar i presidentit amerikan Donald Trump, që drejtoi dhe fitoi në një fushatë në kushte shumë të ngjashme me atë të PD.

“Programi është gjithçka ku është pozicionuar PD në këtë zgjedhje, i koncentruar në pikat që prekin në kockë qytetarët dhe e dyta është takimi derë më derë me njerëzit. Programoi do përqendrohet te ekonomia, xhepi i qytetarëve dhe më tej në investimet kapitale për ta bërë Shqipërinë madhështore duke investuar te kapitali kryesor që është popullata. LaCivita do të jetë arkitekti i fitores sonë, do jetë konsulenti, po në fund të ditës arkitekti është një strategjist. Pjesa kryesore që sjell te fitorja është vetëm qytetari. Kemi një arkitekt që ka bërë një drejtim fushate gati-gati si e jona, me një kandidat që ishte ne qendër të sulmeve dhe të njëjtën gjë bëri; programi dhe takimi derë më derë. LaCivita është strategu i fushatës”, tha Xhaferri.

LEXONI GJITHASHTU:

• Berisha krah LaCivita në Pallatin e Kongreseve, PD prezanton programin
• Fushata e PD-së, Berisha: Do të rikthejmë projektin e ëndrrave për të rinjtë