“Vlen 15 milionë €”, gazetari kritikon Sylvinhon: Si është e mundur që Muçi nuk luan

I ftuar në emisionin “Max Sport” në Euronews Albania, gazetari foli në lidhje me përgatitjet e Kombëtares për ndeshjen kundër Serbisë.

Ai u shpreh i ashpër me trajnerin Sylvinho për sa i përket trajtimit të futbollistit Ernest Muçi në Kombëtare.

Duke shprehur vlerësim për punën e trajnerit, gazetari tha se nuk e kupton zgjedhjen e këtij të fundit për të mos aktivizuar Muçin, në një kohë që vlera e këtij lojtari është 15 milionë euro.

“Muci është një lojtar që vlen 15 milionë euro, luan te Beshiktashi, ka Solskjaer trajner. Unë nuk kam gjë me Silvinjon, ka bërë punë shumë të mirë te Shqipëria. Madje them shyqyr që erdhi, që shkuam në Europian dhe e riformoi ekipin deri në këtë fazë ku jemi. Por këtu jemi duke bërë një kritikë për faktin se si nuk e aktivizoi Muçin, të paktën me Andorrën. Luan te Beshiktashi ky lojtar”, tha Sulozeqi.

LEXONI GJITHASHTU:

• “Te Vllaznia po jetoj një ëndërr”, talenti Kevin Dodaj: Dua të ndjek hapat e Balajt
• Igli Tare më pranë Milanit, nesër takimi për postin e drejtorit të ri sportiv