Sfidat e Europa League, Man United dhe Tottenham synojnë finalen

Mbrëmjen e së enjtes zhvillohen ndeshjet e para gjysmëfinale të UEFA Europa League, ku katër skuadra përballen për një vend në finalen e madhe. Në këtë fazë janë përfshirë dy ekipe angleze, një spanjolle dhe surpriza norvegjeze e këtij edicioni, Bodo/Glimt.

Manchester United, i cili po kalon një sezon të vështirë në kampionat, sheh te Europa League mundësinë e fundit për të shpëtuar sezonin. Djajtë e Kuq do të përballen në transfertë me Athletic Bilbaon, në një përballje që pritet të jetë e luftuar dhe me intensitet të lartë.

Skuadra tjetër angleze, Tottenham Hotspur, do të presë në shtëpi ekipin norvegjez Bodo/Glimt, të cilët kanë befasuar të gjithë me paraqitjet e tyre në këtë edicion. Trajneri i Spurs-ave kërkon të mbyllë llogaritë që në takimin e parë, duke shfrytëzuar avantazhin e fushës dhe përvojën më të madhe në garat ndërkombëtare.

Në të njëjtën kohë, zhvillohen edhe sfidat gjysmëfinale të UEFA Conference League, me duele që gjithashtu premtojnë spektakël dhe emocione.

LEXONI GJITHASHTU:

• Champions League, PSG dominon dhe fiton ndeshjen e parë ndaj Arsenalit në Londër
• Gjysmëfinale dramatike me 6 gola e spektakël, Barcelona dhe Inter ndahen në barazim