Barcelona shpallet matematikisht kampione, titulli i 28-të në histori për blaugranët

Barcelona është shpallur matematikisht kampione në La Liga, dhe ky sukses u regjistrua pas fitores që skuadra e Hansi Flick mori në derbin me Espanyolin.

Përballja u mbyll në shifrat 0-2, por blaugranët arritën të kontrollonin 90 minutat, pavarësisht se pjesa e parë u mbyll me rrjeta të paprekura.

Goli i parë mban firmën e të përhershmit Lamine Yamal, i cili realizoi një perlë, pasi goditi saktë nga jashtë zonës së rreptësisë, duke ndalur topin në trekëndësh.

Në vijim, besuarit e Flick ishin dhe më kërkues për të mbyllur përballjen dhe siguruar titullin, dhe për këtë mendoi Fermin Lopez, i cili shënoi golin e sigurisë në limit, pas një aksioni të bukur në zonë. Më herët, Espanyoli kishte ngelur me një lojtar më pak në fushë.

Me rezultatin 2-0, Barcelona siguron titullin e 28-të në histori, pas një dominimi absolut në La Liga, me plot 27 fitore në 36 javë.

Skuadra e Hansi Flick është një makineri golash absolute dhe mund të arrijë shifrën e 100 realizimeve, pasi mbeten dhe dy ndeshje në dispozicion dhe katalanasit numërojnë 97 gola. Humbja e fundit në kampionat daton nga dhjetori i vitit 2024, në sfidën me Atleticon e Madridit (1-2).

LEXONI GJITHASHTU:

• Lista “bombë”, kush janë 8 lojtarët që mund të largohen nga Barcelona këtë verë
• Barcelona 1 hap larg titullit, blaugranëve u duhen 3 pikët ndaj Espanyol