Kapen me kanabis dhe armë: Arrestohet 22-vjeçari, procedohet një tjetër

Policia e Shëngjinit, ka goditur një rast të shitjes së lëndëve narkotike dhe një rast të armëmbajtjes pa leje.

Gjatë operacionit, u arrestua 22-vjeçari F. G. nga Velipoja, i cili u kap me disa doza kanabisi, të cilat dyshohet se i kishte për qëllim shitjen. Gjatë kontrollit të mëtejshëm në banesën e tij, policia gjeti edhe doza të tjera lënde narkotike.

Në po të njëjtin operacion, u procedua penalisht një 30-vjeçar, S. I., pasagjer në automjetin që drejtohej nga F. G.. Gjatë kontrollit në banesën e tij, u gjetën një armë gjahu, municion luftarak dhe dy radio marrëse-dhënëse, pajisje që mund të jenë përdorur për aktivitete të paligjshme.

Në cilësinë e provës materiale, policia sekuestroi: automjetin, dozat e kanabisit, armën e gjahut, municionin, dy radio dhe një celular.

Ndërkohë, policia ka nisur hetimet për të zbardhur plotësisht këtë ngjarje dhe për të identifikuar persona të tjerë të mundshëm të përfshirë.

LEXONI GJITHASHTU:

• EMRAT/ Plagoset me thikë 21-vjeçari në Sarandë, shpallet në kërkim autori
• Plagosje me armë zjarri në Gosë të Rrogozhinës, qëllohen burrë e grua