Aksi Porto Romano-Durrës, Balluku: Spitalla zonë industriale në shërbim të portit të ri

Ministrja e Infrastrukturës dhe Energjisë, Belinda Balluku ndoqi sot ecurinë e punimeve në lotin e tretë të rrugës Porto Romano-Durrës.

“E gjithë zona në të cilën ne ndodhemi ka një plan zhvillimi, i cili është plan industrial, në zonën e Spitallës ne kemi mbaruar dhe përfunduar tashmë procedurën, është firmosur kontrata sa i përket ndërtimit të parkut të dytë fotovoltaik më të madh në vend, atë të Spitallës”, tha ministrja.

Znj. Balluku deklaroi se me investimet që po bëhen në këtë pjesë të Durrësit, kjo zonë do të shndërrohet në zonë industriale dhe do të vihet në shërbim të portit të ri, që pritet të fillojë shumë shpejt.

“Këtu në Spitallë janë 60 hektarë, të cilat janë të destinuara për të kryer funksionet e përpunimit të të gjitha mallrave që do vijnë nga porti i ri, i cili do lidhet sigurisht me anë të kësaj rruge”, shtoi Balluku.