“10 mijë euro dhe të rregulloj detyrimet tatimore”, arrestohet mashtruesi në Tiranë

Një 33-vjeçar ka rënë në prangat e Policisë së Tiranës, si i dyshuar për mashtrimin e një biznesmeni.

Sipas njoftimit të policisë, 33-vjeçari i mori një shumë prej 10 mijë euro një personi duke i premtuar shlyerjen e detyrimeve tatimore të aktivitetit të tij tregtar.

Materialet procedurale i janë referuar Prokurorisë për veprime të mëtejshme ligjore. Hetimet vijojnë për të zbardhur nëse ka raste të tjera të ngjashme të përfshira në këtë skemë mashtrimi.

“Specialistët e Seksionit për Hetimin e Krimeve Ekonomike dhe Financiare, pas kallëzimit nga një qytetar për një rast mashtrimi financiar, organizuan dhe finalizuan operacionin policor të koduar “Fraud”, në kuadër të të cilit u bë ndalimi i shtetasit E. D., 33 vjeç, banues në Tiranë.

Nga veprimet hetimore rezultoi se ky shtetas, në periudha të ndryshme kohore, i kishte marrë 10 000 euro shtetasit G. D., me pretendimin se do të shlyente detyrimet tatimore të aktivitetit të tij tregtar”, thuhet në njoftimin e policisë.

LEXONI GJITHASHTU:

• Theu masën e arrestit, arrestohet 25-vjeçari që shkaktoi zjarrin me 8 hektarë dëme
• Ndjekje si nëpër filma, arrestohet i shumëkërkuari në autostradën Tiranë-Elbasan