Çfarë fsheh SHISH? Raste që nuk janë bërë publike, Karamuço: Nuk flas dot më shumë

Funksionimi i agjenturave në Shqipëri, por edhe Shërbimi Informativ Kombëtar i vendit, kanë qenë tema e diskutimit mbrëmjen e sotme në Now në Euronews Albania.

Detaje të panjohura më parë ka dhënë për publikun eksperti i sigurisë Ervin Karamuço, i cili bëri me dije se dikur ka disponuar edhe çertifikatën e sigurisë si pjesëmarrës në këto institucione. Karamuço tha se Shqipëria ka pasur rrjetet e saj informative në disa vende dhe konkretisht në Britaninë e Madhe.

Ai foli edhe për rrjetet informative brenda vendit, ku u ndal tek CIA, e cila sipas tij ka dhënë një kontribut të madh për Shqipërinë.

“Kemi të bëjmë me dy degë të fuqishme: dega kombëtare dhe ndërkombëtare, që janë zbulimi dhe kundërzbulimi. Janë të lidhura me ekstremizmin, me trafiqet, me drogën dhe ato që lidhen me parandalimin e akteve të dezinformimit, por kanë edhe interesat e tyre ekonomike.Në nivelin ndërkombëtar ne jemi aktivë, kemi një rrjet shumë aktiv në Britaninë e Madhe, kjo ka qenë për krimin e organizuar dhe kishim një task-forcë aty.
E them këtë sepse jemi aktivë në disa shtete – nuk mund ta them konkretisht. Na është kërkuar ndihmë, ndaj kemi shkuar.

Këtu ka shërbime inteligjente çdo ambasadë ka modele të gatshme, nga vendet mike, jo mike dhe armike. CIA ka stacion stacioni është një formë e zyrës dispeçer dhe agjentë të tjerë; ka disa linja që koordinohen nga një person. Kemi pasur një grua, tani kemi një burrë, dhe japin kontribut të madh për Shqipërinë dhe kanë dhënë shumë ndihmë për luftën e Kosovës.”-tha Karamuço.

LEXONI GJITHASHTU: 

• Karamuço: Këto janë shtetet që kanë shërbimet më të fuqishme sekrete në Tiranë

• Kritikët e Kremlinit akuza Zvicrës për mikpritje të kriminelëve të luftës nga Rusia