Vihet nën kontroll zjarri i rënë pranë uzinës së armëve në Poliçan

Është normalizuar gjatë mesnatës situata e zjarrit të rënë pasditen e djeshme  në qytetin e  Poliçanit.

Në fikjen e zjarrit u angazhuan 3 mjete dhe 15 zjarrfikës të Repartit Zjarrfikës Berat, 1 mjet me 6 zjarrfikës të Repartit Zjarrfikës Skrapar, i gjithë Reparti Zjarrfikës i Poliçanit dhe dhjetëra forca ushtarake. Zjarri nisi fillimisht në  pyllin që ndodhet pranë Uzinës së Armëve në Poliçanit dhe i favorizuar nga era dhe temperaturat e larta, zjarri u përhap me shpejtësi, duke ju afruar zonës C, në të cilën ndodhen magazinat me lëndë plasëse.

Fatmirësisht zjarri devijoi drejt zonës malore, duke u shmangur kështu rreziku i afrimit të tij drejt depove të armatimit. Pas shumë orësh lufte me flakët, zjarrfikësit dhe ushtria bën të mundur lokalizimin e flakëve të zjarrit dhe normalizimin e situatës.

Ndërkohe që forcat zjarrfikëse së bashku me ato ushtarake kanë qenë nën monitorim të situatës përgjatë gjithë natës për të shmangur rrezikun e riaktivizimit të vatrave të zjarrit.

LEXONI GJITHASHTU:

• Zjarre masive në Francë: Mijëra të pastrehë, të vdekur dhe shtëpi të shkatërruara
• Zjarr në një apartament në Vlorë, ndërhyjnë zjarrfikësit