Rriten shkëmbimet tregtare me BE-në, eksportet zënë 67%, Italia partneri kryesor

Shkëmbimet tregtare me vendet e Bashkimit Europian për shtatë mujorin e këtij viti, zënë 57% të gjithë vëllimit.

Shifra tregon se Eurozona mbetet partneri kryesor në shitblerjen e mallrave, me eksportet që zënë 67% të vëllimit dhe importet 52%. Në raportin e publikuar nga INSTAT për periudhën janar-korrik 2025, vetëm me Italinë shkëmbimet janë në masën 27%.

Përtej BE-së, gjatë kësaj periudhe u shënua rritje e ndjeshme e eksporteve drejt Kosovës me 72,5%, ndërsa importet nga Turqia dhe Kina vijojnë të rriten. Kjo e fundit ka intensifikuar tregtinë në Shqipëri edhe me shitje, duke sjellë afro 9% të mallrave në këtë periudhë.

Në 7 muajt e parë të vitit, eksportet kushtuan 239 miliardë lekë, ndërsa importet 515 miliardë lekë, duke sjellë një ulje të deficitit tregtar me gati 6 për qind.

Tregtia e jashtme mbetet një nga treguesit kyç të zhvillimit ekonomik dhe integrimit europian të Shqipërisë.

LEXONI GJITHASHTU:

• 203 miliardë lekë nga eksportet këtë vit, 56% e tregtisë bëhet me BE-në
• Nafta dhe këpucët rritën eksportet në mars, shtohen importet nga Kina