Qëlluan me kallashnikov në mes të kryqëzimit në Kombinat, kush janë të arrestuarit

23 Gusht 2025 | 11:40

Policia e Tiranës ka arrestuar Oltjon Asllani (Vodollari), 28 vjeç, dhe Serxho Bajza, 30 vjeç, si autorët e dyshuar të ngjarjes së rëndë të ndodhu të premten në zonën e Kombinatit, ku u raportua për të shtëna mes dy automjeteve në lëvizje.

Nga hetimet dhe pamjet e siguruara, rezulton se Asllani është autori kryesor, i cili nxori një armë automatike kallashnikov nga xhami i makinës dhe qëlloi disa herë drejt një automjeti tjetër në një kryqëzim të zonës. Automjeti i shënjestruar u largua me shpejtësi, ndërsa në vendngjarje mbetën gëzhoja të shumta.

Bajza, bashkëpunëtori i Asllanit, ishte në timon të automjetit dhe shërbente si shofer gjatë ngjarjes. Ngjarja ndodhi pas një konflikti për motive të dobëta mes dy grupeve, ku autori kërcënoi seriozisht jetën e dy personave të tjerë, R. K., 38 vjeç, dhe Zh. K., të cilët ndodheshin në mjetin e shënjestruar.

Mes dy grupeve më herët raportohet se ka ndodhur një konflikt për motive të dobëta që degjeneroi në përdorimin e armës.

Policia ka sekuestruar automjetin e përdorur nga autorët dhe vijon kërkimin për armën e zjarrit. Fatmirësisht, nga të shtënat nuk pati të lënduar, vetëm dëme materiale.

Në vijim të hetimeve, janë proceduar penalisht edhe shtetasit R. K., Zh. K., F. K. dhe B. M., të cilët dyshohet se ishin të përfshirë në konfliktin paraprak me autorët.

Materialet procedurale i janë referuar Prokurorisë së Tiranës për veprime të mëtejshme ligjore.

Home Kryefaqja
Shiko në: YouTube
Lajme të Sugjeruara

Porto Palermo, nxirren nga deti dy predha të Luftës së Dytë Botërore

Dy predha luftarake, të mbetura në fund të detit në Gjirin e Porto-Palermos, u nxorën këtë të premte në sipërfaqe gjatë një operacioni të kryer...
19:01 | 19/06/2026

Lëkundje tërmeti në Gjirokastër, sa ishte magnituda

Lëkundje tërmeti janë regjistruar pasditen e sotme në Gjirokastër. Nga të dhënat paraprake raportohet se tërmeti ka qenë me magnitudë 3.6 ballë të shkallës rihter....
18:55 | 19/06/2026

Sot dita e 20-të e protestës, aktivistët dhe qytetarët pritet të mblidhen sërish para Kryeministrisë

Qytetarët do të protestojnë edhe këtë të premte në bulevardin “Dëshmorët e Kombit”, për të 20-ën ditë me radhë, me kërkesën kryesore për dorëheqjen e...
18:41 | 19/06/2026