“Nuk doja t’i vrisja”- Lihen në burg të rinjtë për ngjarjen në Kombinat

Gjykata e Tiranës ka caktuar masën e sigurisë “arrest në burg” për Oltion Asllanin, i njohur dhe me mbiemrin Vodollari, dhe Serxhio Bajzën.

Asllani, 28 vjeç, akuzohet se të premten e kaluar qëlloi me armë automatike drejt një automjeti në lëvizje në zonën e Kombinatit, pas një konflikti të dhunshëm me disa persona. Në seancën gjyqësore, ai deklaroi se nuk kishte qëllim të vriste njeri, por vetëm të trembte personat që, sipas tij, e kishin dhunuar fizikisht.

Nga ana tjetër, Bajza ka pohuar se ka shoqëruar shokun e tij me makinë kundër dëshirës, duke theksuar se ishte ndjerë i kërcënuar prej tij.

Të dy do të hetohen për veprën penale “vrasje në rrethana të tjera cilësuese”, mbetur në tentativë.

LEXONI GJITHASHTU:

• Nxjerr kallashnikovin dhe qëlllon makinën në kryqëzim, pamjet e ngjarjes në Kombinat
• Qëlluan me kallashnikov në mes të kryqëzimit në Kombinat, kush janë të arrestuarit