PSG dhe Man City arrijnë akordin, Donnarumma transferohet në Angli

Manchester City ka bërë një tjetër goditje në limite, sa i përket merkatos verore ku ka afruar portierin e Man City Gianluigi Donnarumma. Ky i fundit vjen pas aventurës me PSG në Ligue 1, teksa është dakordësuar me kushtet e vendosura nga britanikët. Ende nuk janë publikuar më tepër detaje nga ky nënshkrim, por futbollisti në fjalë ka kryer testet mjekësore, ndërsa do të jetë nën urdhrat e Pep Guardiolës pas rikthimit nga kombëtarja.

Paralelisht edhe rivalët e Man United vijojnë përforcimet, ku thuhet se kanë arritur akordin me portierin Emiliano Martinez nga Aston Villa. Djajtë e kuq nuk kanë gjetur qetësi që prej nënshkrimit me Onanën nga Interi, ndërsa prej javësh kanë vijuar bisedimet me gardianin argjentinas, që po ashtu ka shprehur dëshirën për të kaluar në Old Trafford.

Largimi i Alexander Isak nuk e ka lënë bosh Newcastle, që ka gjetur menjëherë zëvendësuesin e tij dhe bëhet fjalë për Yohanne Wissa. Në orët në vijim pritet të bëhet dhe zyrtarizimi me Brentford që nuk është bërë pengesë, duke e lënë të lirë të largohet. Sipas mediave britanike, qymyrxhinjtë do të paguajnë plot 55 milionë paund për kartonin e tij.

Sunderland po ashtu duket në rrugë të mbarë në këtë nisje të sezonit, ku ka kryer përforcimin e radhës, duke blerë kartonin e Bryan Brobbey nga Ajax.

LEXONI GJITHASHTU:

• Rikthim pozitiv i Brojës, Asani nis rrugëtimin me Esteghlal
• Juventus tenton “dopietën”, vijojnë bisedimet me Zhegrovën e Kolo Muani