Gjigantët europianë e nisin me fitore, Bayern, PSG dhe Inter bindin në sfidat e para

Java e parë e fazës së grupeve në UEFA Champions League vazhdoi me 6 përballje të zhvilluara të mërkurën, ku disa nga klubet më të mëdha të Europës regjistruan fitore të rëndësishme, ndërsa pati edhe barazime surprizë.

Në “Allianz Arena”, Bayern Munich nisi fuqishëm rrugëtimin europian, duke mposhtur Chelsea-n me rezultatin 3-1.

Autogoli i Trevoh Chalobah në minutën e 20-të zhbllokoi sfidën, ndërsa Harry Kane realizoi dy gola (27’ dhe 63’), duke vulosur fitoren e kampionëve të Gjermanisë.

Për londinezët shënoi Cole Palmer (29’), ndërsa një tjetër gol i tij në fund u anulua për pozicion jashtë loje.

Një ndeshje dramatike u zhvillua në “Anfield”, ku Liverpool mposhti me përmbysje Atletico Madrid me shifrat 3-2.

Andrew Robertson (2’) dhe Mohamed Salah (6’) shënuan për vendasit, por Marcos Llorente realizoi dopietë për spanjollët (45+3’, 81’), duke rikthyer baraspeshën.

Në minutën 90+2, kapiteni Virgil van Dijk vulosi fitoren për “The Reds”.

Pas ndeshjes, tensioni shpërtheu kur trajneri Diego Simeone u ndëshkua me karton të kuq për sjellje të pahijshme ndaj një tifozi vendas.

Në “Parc des Princes”, Paris Saint-Germain tregoi forcën e tij ndaj Atalanta-s me një fitore të pastër 4-0.

Skuadra e drejtuar nga Luis Enrique dominoi ndeshjen, me gola të Marquinhos, Khvicha Kvaratskhelia, Nuno Mendes dhe Sergio Ramos.

Berat Gjimshiti dhe skuadra italiane nuk arritën të reagojnë ndaj “makinerisë parisiene”.

Në “Johan Cruyff Arena” në Amsterdam, Inter fitoi bindshëm ndaj Ajax-it me rezultatin 0-2.
Protagonist absolut ishte Marcus Thuram, i cili realizoi dy gola në fundin e pjesës së parë dhe fillimin e së dytës (42’, 47’), duke i dhënë tre pikët e para zikaltërve.

Një nga rezultatet më surprizë ishte barazimi pa gola mes Olympiacos dhe debutuesve të Pafos FC nga Qipro, në “Georgios Karaiskakis”. Grekët nuk arritën të thyejnë mbrojtjen e qipriotëve.

Në një tjetër ndeshje të grupit, Slavia Prague dhe Bodo/Glimt ndanë nga një pikë pas barazimit 2-2. Të dyja skuadrat patën raste për më shumë, por në fund rezultati mbeti i pandryshuar.

Të martën, 16 Shtator 2025

Athletic Club 0–2 Arsenal

PSV Eindhoven 1–3 Royale Union SG

SL Benfica 2–3 Qarabağ FK

Juventus 4–4 Borussia Dortmund

Real Madrid 2–1 Olympique de Marseille

Tottenham Hotspur 1–0 Villarreal CF

Të mërkurën, 17 shtator 2025

Olympiacos 0-0 Pafos FC

SK Slavia Praga 2-2 Bodo/Glimt

Ajax 0-2 Inter

Bayern Munich 3-1 Chelsea

Liverpool 3-2 Atletico Madrid

PSG 4-0 Atalanta

Të enjten, 18 Shtator 2025

Club Brugge – AS Monaco

FC Copenhagen – Bayer 04 Leverkusen

Eintracht Frankfurt – Galatasaray SK

Manchester City – SSC Napoli

Newcastle United – FC Barcelona

Sporting CP – Kairat Almaty

LEXONI GJITHASHTU:

• Champions League: Newcastle sfidon Barcelonën, Man City përballet me ish-kapitenin
• Nis kompeticioni spektakolar i Champions League, 6 duele interesante
• Hidhet shorti i Champions League/ Ndeshje big, 36 skuadrat mësojnë kundërshtarët