A është Edlira Çepani kandidatja për Tiranën? Berisha: Kam ngritur grup pune për…

26 Shtator 2025 | 13:42

Kreu i Partisë Demokratike, Sali Berisha, mbajti këtë të premte konferencën e përditshme për gazetarët, ku u pyet edhe për emrin e kandidatit të mundshëm të demokratëve për bashkinë e kryeqytetit.

Berisha deklaroi se PD ende nuk e ka një emër për kandidatin që do garojë në zgjedhjet e parakohshme për Bashkinë Tiranë.

Shefi i opozitës tha se është ngritur një grup pune i përbërë nga Belind Këlliçi, Flamur Noka dhe Ilir Alimehmeti, të cilët do të gjejnë emrin e kandidatit për bashkinë.

Sipas Berishës, ky grup pune do të punojë edhe me partitë e tjera opozitare për të qenë një emër konsensual.

“Belind Këlliçi, Flamur Noka, Ilir Alimehmeti do të jenë përfaqësuesit tanë, do të negociojnë me partitë e tjera. A më shkon mua që nga njëra anë ti ngarkoj e tu them partive opozitare që do negocioj e të them emra. Sot do të mblidhen, punën e kanë filluar që dje. Këta 3 persona janë të ngarkuar të negociojnë me të gjitha partitë opozitare. Ata do takohen me kandidatët me partitë, duhet të bien dakord për emra, pastaj vjen radha e kandidatëve.” tha Berisha.

Berisha u pyet edhe në lidhje me Edlira Çepanin si një nga emrat e përfolur së fundi për të kandiduar nga radhët e PD-së në kryeqytet. Berisha nuk dha një përgjigje përjashtuese, por tha se emri do të dalë nga një proces konsultimesh.

“Unë, natyrisht nuk kam ndërmend të prononcohem për njeri, meqë ky është një proces. Po të ishte ndryshe, ju flisja unë këtu, vija dhe ju thoja që kandidati i preferuar do jetë ky. Jo, nuk është ashtu.“- tha Berisha.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Miratohet projektligji për CENSI-n e bujqësisë, fermerët që nuk përgjigjen, do të gjobiten

Qeveria ka miratuar projektligjin “Për censin e bujqësisë”, një proces që synon të regjistrojë në mënyrë të plotë njësitë ekonomike bujqësore në të gjithë territorin...
14:46 | 04/06/2026

Erion Braçe del kundër Ramës për Zvërnecin (VIDEO)

Deputeti Erion Braçe ka folur lidhur me mënyrën se si po trajtohet publikisht projekti i investimit strategjik në Zvërnec. Në një reagim publik, Braçe theksoi...
14:05 | 04/06/2026

SPAK sekuestron vilën në Dhërmi, akuza të reja ndaj Belinda Ballukut

Prokuroria e Posaçme kundër Korrupsionit dhe Krimit të Organizuar ka vendosur sekuestro preventive mbi një vilë një resort në Gjilekë të Dhërmiut. SPAK njofton se...
14:03 | 04/06/2026