Turistët zviceranë humbin në Shebenik, kërkojnë ndihmë urgjente

Një çift turistësh nga Zvicra është raportuar i humbur në Parkun Kombëtar të Shebenikut, në Librazhd, pasi dyshohet se ka dalë nga shtegu i shënuar gjatë një ecjeje malore.

Sipas informacioneve paraprake, njëri prej tyre ka pësuar dëmtim në këmbë dhe ka kërkuar ndihmë urgjente.

Në terren ndodhen forcat e emergjencës së Administratës së Zonave të Mbrojtura Elbasan, në bashkëpunim me policinë e Librazhdit, të cilat po zhvillojnë operacionin e kërkim-shpëtimit në zonën e Hotolishtit, ku terreni paraqitet i vështirë dhe me akses të kufizuar.

Autoritetet u bëjnë apel vizitorëve që frekuentojnë zonat malore të tregojnë kujdes dhe të respektojnë shtigjet e miratuara, për të shmangur ngjarje të tilla.

LEXONI GJITHASHTU:

• Sfida në Basel, kush është arbitri i njohur që do të gjykojë ndeshjen Zvicër-Kosovë
• Taulant Xhaka bëhet trajner-lojtar te klubi i shqiptarëve në Zvicër