VIDEO/ Shqipëria fiton 1-0 në Andorra dhe siguron Play-Off-in e Botërorit 2026

Kombëtarja shqiptare ka fituar në Andorra me rezultatin 1-0 në ndeshjen e parafundit për eliminatoret e Botërorit 2026, duke siguruar vendin e dytë që të çon në “Play-Off”, falë edhe fitores së Anglisë me 2-0 ndaj Serbisë.

Ky është një sukses historik për Kombëtaren shqiptare nën drejtimin e trajnerit Sylvinho.

Pjesa e parë e ndeshjes u mbyll në barazim 0-0, ndërsa në pjesën e dytë Kombëtarja përmirësoi ndjeshëm lojën.

Në minutën e 67′, ishte Myrto Uzuni që mori një inkurison nga e djathta dhe i dha një asist të shkëlqyer Kristjan Asllanit, i cili shënoi golin e fitores për kuqezinjtë.

Formacioni zyrtar i Shqipërisë:
Strakosha; Hysaj, Gjimshiti (C), Ajeti, Mitaj; Asllani, Laçi, Shehu; Broja, Hoxha, Manaj.
Trajner: Sylvinho

Ndeshja minutë pas minute

80′ – Shqipëria kontrollon lojën dhe zhvillon pasime të shkëlqyera në mes të fushës.

77′ –  Indrit Tuci zëvendëson Rey Manajn

75′ – Karton i verdhë për Aron Rodrigo Tapia pas një faulli taktik

71′ – Raporti i zotërimit të topit: 28% Andorra – 72% Shqipëria

67′ – GOOOL! Kundërsulm i shpejtë me Uzunin nga e djathta i cili gjen Asllanin dhe ky i fundit nuk gabon duke çuar sferën në rrjetë

60′ – Nedim Bajrami zëvendëson Qazim Laçin

59′ – Armando Broja largohet nga fusha dhe zëvendësohet nga Myrto Uzuni

55′ – Arlind Ajeti ndëshkohet me karton të verdhë për mbajtje të kundërshtarit gjatë një dueli

46′ – Mbyllet në barazim 0 – 0 pjesa e parë

45+1′ – Goditja me kokë e Berat Gjimshitit, topi përplaset mbi traversë pas një krosimi brenda zonës së gjashtë metrave.

45′ – Jepet vetëm 1 minutë kohë shtesë

39′ – Karton i verdhë për Eric Izquierdo të Andorras

37′ – Armando Broja fut një  top të bukur brenda zonës, por mbrojtësi largon rrezikun

35′ – Rey Manaj gjuan nga brenda zonës, por topi bllokohet në mënyrë brilante dhe përfundon në goditje nga këndi

33′ – Pau Babot përpiqet të gjejë shokun e lirë në zonë, por Thomas Strakosha del dhe largon topin

31′ – Lojë e organizuar nga Andorra, me pasime të shkurtra për të gjetur hapësira në mbrojtjen shqiptare.

28′ – Aron Rodrigo Tapia gjuan nga pranë zonës, por topi fluturon mbi traversë

22′ – Rey Manaj shpërdoron mundësinë duke gjuajtur në shpinën e kundërshtarit

17′ – Kristjan Asllani merr përsipër goditjen e një faulli. Gjuajtja e tij fluturon pak mbi traversë dhe topi përfundon jashtë loje

12′ – Rey Manaj kontrollon topin pas një krosi të saktë në zonë dhe gjuan drejt portës, por tentativa e tij bllokohet pa dashje nga një prej shokëve të skuadrës.

8’ – Top në thellësi i Ajetit por Rey Manaj nuk e arrin dot, fundore për Andorrën

0′ – Arbitri rumun Horațiu Feșnic fërshëllen për fillimin e ndeshjes – ka startuar Andorra–Shqipëri

Momente emocionuese u regjistruan para nisjes së sfidës mes Andorrës dhe Shqipërisë, ku gjatë ekzekutimit të himnit kombëtar, stadiumi u përfshi nga një atmosferë elektrizuese, teksa mijëra tifozë kuqezinj kënduan njëzëri himnin shqiptar.

LEXONI GJITHASHTU:

• Fitore historike për Shqipërinë/ Duka dhe Sylvinho krenarë, Broja shfaqet i mërzitur
• “Ec atyyyy shqipeeeee!”, Rama përgëzon Kombëtaren për arritjen historike