Fiona Papajorgji kandidatja e vetme për kryetare të Gjykatës Kushtetuese

Gjyqtarja Fiona Papajorgji është kandidatura e vetme për kryetare të Gjykatës Kushtetuese, bëjnë me dije burime për Euronews Albania.

Afati i dorëzimit të kandidaturave për këtë detyrë u mbyll këtë të martë, ndërsa Papajorgji synon një mandat trevjeçar në krye të GJK-së.

Pas prezantimit të platformës së saj, do të nisë procesi i votimit, ku fitues shpallet gjyqtari që siguron kuorumin e nevojshëm prej pesë votash nga tetë gjyqtarët që përbëjnë trupën gjyqësore të Gjykatës Kushtetuese.

Vakanca për kryetaren e GJK-së u krijua pas përfundimit të mandatit të Holta Zaçajt në mars të këtij viti, e cila kishte shërbyer njëkohësisht si kryetare e Gjykatës Kushtetuese.

LEXONI GJITHASHTU:

• Anëtarja e 4-të e Kushtetueses/ Kush është Fiona Papajorgji
• Ikja e Holta Zaçaj në krye të GJK-së, hapet gara për kryetarin e ri! Ja kur zgjidhet