83-vjetori i vdekjes së Faik Konicës, përkujtohet sjellja e eshtrave në atdhe

30 vite më parë në aeroportin e Rinasit në këtë avion kanë mbërritur në atdhe eshtrat e një prej figurave më të mëdha të kombit shqiptar, Faik Konices.

Një gjë e tille është bërë e mundur nga 22 shqiptarë nga mbarë trojet shqiptare që jetonin në Shtetet e Bashkuara të Amerikës.

Njëri prej kontribuesve për të sjellë eshtrat e Faik Konicës në atdhe është edhe Beqir Potka, i cili tregon momentet e gatishmërisë së shqiptarëve për të çuar në vend amanetin e Konices.

“Ishim 22 veta por kanë kaluar 30 vite dhe ndiej kënaqësi që sjellja e eshtrave përkujtohet. Ishin 3 korçare Anton Athanasi me I vjetri, Zoti Bardha dhe unë me I riu 27 vjeç. Të tjerët ishin nga gjithë trojet shqiptare, Maqedonia, Kosova. Perëndia donte që eshtrat që ai ëndërronte të vinin këtu, erdhën. Shteti shqiptar nuk i pranoi eshtrat. Të gjithë qeveritë nuk kanë festuar një përvjetor të tij, të njihej Shqipëria nga gjithë Kombet e Bashkuara. Me behet qejfi që sot ne boten tjetër e dëgjon përvjetorin dhe kujtohet por me vjen keq që asnjë pushtet e qeveri nuk e ngre këtë përvjetor, me vjen çudi, një nga njerëzit më të mëdhenj që njohi Shqipërine me botën.”-shprehet Beqir Potka, biznesmen.

Me rastin e 83 vjetorit të vdekjes së Faik Konices, fakulteti i edukimit në Universitetin e Korçës ka organizuar një simpozium ku kanë qenë të pranishëm studiues, historianë, pedagogë dhe zyrtarë të institucioneve të ndryshme.

Për Eris Rusin, përgjegjës i departamentit të fakultetit të edukimit, Faik Konica është një nga figurat më emblematike shqiptare dhe për të sot duhet folur me tepër.

“Sot kujtojmë 83 vjetorin e vdekjes së Faik Konices, një nga mendjet me të ndritura shqiptare, një personalitet erudit i cili ka lënë gjurmë në historinë e kombit tonë. Faik Konica është intekelutal i madh, pjesë e studimeve universitare por duhet bërë çmos që të jetë orientim për fëmijët tanë, aktivitete të tilla hedhin dritë mbi veprën e tij.”-shprehet Eris Rusi, përgjegjës i departamentit të fakultetit të edukimit.

Në një përvjetor si ky duhet të kishte aktivitete shtetërore pasi figura e Konices i kalon kufijtë e krejt shqiptarisë.

LEXONI GJITHASHTU:

• Java Kulturore Spanjolle, koncert i kitaristit të njohur Denis Bizhga në Gjirokastër
• Aktori Naun Shundi në gjendje të rëndë, Ministria e Kulturës: Do mbulojmë shpenzimet