Detajet: Kush janë 8 personat me masë sigurie nga SPAK për tenderat e AKSHI-t
Gazetari Eni Ferhati ka sjellë detajet nga operacioni i SPAK dhe BKH mbi hetimet për abuzimet me tenderat e Agjencisë Kombëtare të Shoqërisë së Informacionit (AKSHI-t).
Në operacionin e zhvilluar në orët e para të mëngjesit të së martës, janë kryer kontrolle të banesave dhe ambienteve private të individëve të dyshuar për përfshirje në abuzime me tenderat publikë.
Agjentët e Byrosë Kombëtare të Hetimit i kanë realizuar këto kontrolle pas një vendimi të Gjykatës së Posaçme, e cila ka miratuar masat e sigurimit për 8 persona, përfshirë biznesmenë dhe zyrtarë të lartë të AKSHI-t.
Masat e GJKKO:
- Ergys Agasi – Biznesmen, arrest me burg (nuk është ekzekutuar arrestimi)
- Ermal Beqiri – Biznesmen, arrest me burg (nuk është ekzekutuar arrestimi)
- Mirlinda Karçanaj – Drejtoreshë e AKSHIT, arrest në shtëpi
- Hava Delibashi – Zyrtare e AKSHIT, arrest në shtëpi
- Erjon Ismaili – Zv/drejtor i Policisë së Tiranës, pezullim nga detyra dhe ndalim për të dalë jashtë vendit
- Andi Spapa – Ndalim për të dalë jashtë vendit
- Gëzim Hoxha – Ndalim për të dalë jashtë vendit
- Rogers Rryta – Ndalim për të dalë jashtë vendit
Hetimi është drejtuar nga Prokurori i Posaçëm Bledar Maksuti për dyshime të abuzimit me tendera, të cilët janë hetuar nga SPAK.
Veprat penale për të cilat po hetohet nga spak janë:
- Shkelja e barazisë së pjesëmarrësve në tendera apo ankande publike
- Konkurrenca e paligjshme nëpërmjet dhunës
- Hegja e paligjshme e lirisë, e kryer në formën e bashkëpunimit të grupit të strukturuar kriminal
- Kryerja e veprave penale nga organizata kriminale dhe grupi i strukturuar kriminal
- Pastrimi i produkteve të veprës penale
Këto veprime janë parashikuar në nenet përkatëse të Kodit Penal, duke përfshirë nenet 258/2, 110, 170/b, 28/4, 333/a dhe 334.
Gjykatësja Flojera Davidhi ka firmosur vendimet e sigurimit për këta individë, dhe hetimet pritet të vazhdojnë.
LEXONI GJITHASHTU:
- Hetimi i SPAK për tenderat e AKSHI-t, arrest shtëpie për drejtoreshën Karçanaj
- SPAK njoftim zyrtar: Hetime për grup të strukturuar kriminal mbi tenderat e AKSHI-t
Rama pret në Kryeministri François Hollande, i akordon Medaljen e Artë të Mirënjohjes Publike
Helmimi i studentëve në Akademinë e Sigurisë, policia merr në pyetje administratore e Sori-Al
Alarmi i EUROPOL, grupet kriminale shqiptare të lidhur me kartelin “Los Lobos”
- 13:40 Zelenskyy miraton planin 40-ditor të Ukrainës për të rritur presionin ndaj Rusisë, çfarë po përgatit me të vërtetë Kievi?
- 13:39 Ekspedita detare pranë brigjeve të Brazilit zbulon 31 specie të reja (FOTO)
- 13:37 Tare: S’ka rëndësi nëse ishte Goxhaj apo jo me UÇK
- 13:30 Mision historik, Greqia do të dërgojë astronautin e saj të parë në hapësirë
- 13:27 Kritikoi qeverinë somaleze në internet, 27-vjeçarja dënohet me tre vite burg. Vendimi ngjall reagime të shumta
- 13:27 Studiuesi zbulon letrën e arkitetit holandez dërguar Ramës: Ti duhet të jesh mbret i Shqipërisë