Jonila Godole: Shqiptarët në këto zgjedhje nuk kishin zgjidhje

Drejtuesja e Institutit për Demokraci, Media dhe Kulturë (IDMC), Jonila Godole thotë se Partia Socialiste do të përballet me vështirësi në qeverisjen e vendit.

Në studion e “Barometri Politik”, znj. Godole shprehet se kjo vështirësi lind edhe për fatin se  nuk dihet se si do të performojë opozita, aksionet politike të së cilës mund t’i krijojnë pengesa shtesë qeverisë Rama.

“Mund të jenë të kënaqur, por besoj se pasi pas pushimeve dhe pasi të formohet qeveria dikur do kthehet rutina dhe kjo do zbehet. Unë mendoj se do jetë mandat i vështirë. Është mandat i tretë. Nuk e di se si do të performojë këtu opozita, sepse nuk është shumë e qartë”, tha ai.

Bazuar në gjetjet e sondazhit pas zgjedhor të kompanisë MRB të publikuar në Euronews Albania, drejtuesja e IDMC-së thekson se në zgjedhjet parlamentare të 25 prillit shqiptarët nuk morën zgjidhje konkrete.

“Kur shoh të rinjtë nuk shoh një super-kënaqje, nuk shoh aty një shpresë. Për fat të keq, shqiptarët në këto zgjedhje nuk kanë zgjidhje. Janë të detyruar të jenë të kënaqur me atë që marrin dhe atë që kanë”, tha Godole.