Presidenti i Urdhrit të Mjekut apelon për mbështetje: Kërkojmë siguri dhe mbrojtje

Mjekët shqiptarë përballen me sfida të shumta në ushtrimin e detyrës, duke nisur nga mungesat, presioni i pacientëve dhe pengesat administrative. Këtë e bëri të ditur presidenti i Urdhrit të Mjekut, Dritan Trepça, i cili në Ditën Ndërkombëtare të Mjekut apeloi për më shumë bashkëpunim për të lehtësuar punën e bluzave të bardha.

“Marrëdhënia mjek–pacient, sot është në një krizë besimi”, thotë Dritan Trepça.

Ai theksoi se përveç vështirësive në pesë vitet e fundit, numri i mjekëve që largohen nga Shqipëria ka rënë nga një vit në tjetrin.

“Përfshirja e siguracionit profesional për mjekët do t’i mbrojë ata përballë fataliteteve që nuk vijnë nga neglizhenca, por nga gabimet dhe mungesat në sistem”, thotë ai.

Presidenti i Urdhrit të Mjekut u shpreh se nevoja për mbështetje dhe mbrojtje ligjore për mjekët është urgjente, duke synuar të rrisë sigurinë dhe besimin në marrëdhënien mjek–pacient.