Studimi/ Kimikatet në produktet e përditshme lidhen me lindjet e parakohshme

Një studim i ri ka gjetur lidhje mes një kimikati të përdorur gjerësisht në produkte të përditshme dhe rritjes së lindjeve të parakohshme.

Bëhet fjalë për substancën DEHP, e pranishme në kozmetikë, detergjentë dhe produkte shtëpiake, e cila mund të ndikojë në hormonet që rregullojnë shtatzëninë.

Sipas studimit, në vitin 2018 kjo substancë lidhet me rreth 1.97 milionë lindje të parakohshme dhe afro 74 mijë vdekje foshnjash në nivel global.

Grimcat e saj hyjnë në organizëm përmes ajrit, ushqimit dhe pluhurit, duke ndikuar në funksionimin e placentës.

Ekspertët theksojnë se, edhe pse lidhja nuk është plotësisht e konfirmuar si shkak-pasojë, rreziku për shëndetin publik mbetet i lartë dhe kërkon rregullim më të fortë të përdorimit të kimikateve.