Vlorë, hapet sezoni veror me koncert madhështor në Lungomare

Vlorë ka çelur zyrtarisht sezonin turistik veror me një koncert festiv në zonën e “Plazhit të Ri” në Lungomare, ku qindra qytetarë dhe turistë vendas e të huaj ndoqën një mbrëmje artistike dhe festive.

Në skenë performuan artistë të njohur të muzikës shqiptare si Xhensila Myrtezai, Klajdi dhe Bruno, Adelina Ismaili dhe Abelomania, duke krijuar atmosferë të gjallë dhe festive në qytetin bregdetar.

Nata u shoqërua me duartrokitje të shumta nga publiku, ndërsa spektakli u mbyll me një shfaqje fishekzjarresh mbi Lungomare.

Sezoni veror në Vlorë zhvillohet nën programin “Val On”, i Bashkisë së Vlorës, i cili vijon me aktivitete edhe në datat 9 dhe 10 maj, ku priten edhe koncerte të tjera me artistë si Noizy, Ronela Hajati dhe Elgit Doda.