Gjykata e Lartë rrëzon rekursin e Emiljano Shullazit dhe grupit të tij, 55 vite burg për 5 të akuzuarit

Gjykata e lartë ka lënë në fuqi vendimin e Apelit të GJKKO, të vitit 2021 për Emiljano Shullazin dhe grupin e tij. Dënimi për të me 14 vite burg  ka mbetur në fuqi, ndërsa për rekursin e Gilmando Danit, u vendos mospranim, për shkak se ai ka ndërruar jetë.

Gjyqtarët Ilir Panda, Genti Shala dhe Enton Dhimitri në dhomë këshillimi, kanë lënë në fuqi dënimin me 55 vite burg në total për 5 të akuzuarit.

Bëhet fjalë për dosjen ku ata ishin shpallur fajtor për gjobëvënie e grupit të strukturuar kriminal.

Më konkretisht, në vendimin e formës së prerë të 5 viteve më Emiljano Shullazi u dënua me 14 vite burg, Endrit Qyqja dhe Endrit Zela me nga 10 vite burg dhe Blerim Shullazi 9 vite burg.

Dani ashtu si gjithë të akuzuarit e tjerë përveç Emiljano Shullazit, ishte liruar dhe u ekzekutua në një atentat mafioz nëntorin e vitit 2025 në rrethrrotullimin e Rinasit bashkë me mikun e tij, agjentin e AMP, Mustafa Sheqeri.

Ndërkohë Emiljano Shullazi mbahet në qeli edhe për dy dosje të tjera të SPAK, operacionin ‘ asgjë nuk harroet’ lidhur me vrasjet e vitit 2005, të Vajdin Lames dhe Klodian Saliut dhe operacionin ‘revanshi’ ku për të është kërkuar dënimi me 10 vite burg me gjykim të shkurtuar për sigurim kushtesh për të kryer vrasje në dëm të Durim Bamit, e kryer në kuadër të grupit të strukturuar kriminal.