Irani: Do të marrim masat e nevojshme nëse SHBA nuk përmbush detyrimet

Zëdhënësi i Ministrisë së Jashtme Esmaeil Baghaei ka deklaruar këtë të shtunë se Irani do të marrë masat e nevojshme nëse SHBA-të nuk i përmbahen detyrimeve të tyre sipas një marrëveshjeje fillestare midis vendeve.

Ministri i Jashtëm i Iranit, Abbas Araghchi zhvilloi sot një takim me Ministrin e Brendshëm të Pakistanit, Mohsin Naqvi, i cili u përpoq ta bindte Iranin se mund të qëndrojë në tryezën e negociatave, sepse ka presion të mjaftueshëm të SHBA-së mbi Izraelin për të ndërprerë sulmet në Liban.

Konflikti në Liban është shfaqur si një pengesë kryesore në fazat e hershme të një periudhe 60-ditore që palët të arrijnë një marrëveshje përfundimtare. Nga ana tjetër zëvendëspresidenti amerikan, JD Vance pritet të udhëtojë këtë të shtunë për në Zvicër, ndërsa fillojnë përgatitjet për bisedimet me Iranin.

I dërguari i SHBA-së, Steve Witkoff, dhe dhëndri i Presidentit Donald Trump, Jared Kushner, janë tashmë në terren duke u marrë me elementët teknikë të negociatave.