Infektimet me COVID-19 në rritje, 280 raste aktive

Pak orë pasi konfirmimit të pranisë së variantit “Delta”, Ministria e Shëndetësisë thotë se gjatë 24 orëve të fundit janë zbuluar 22 raste të reja me COVID-19.

Aktualisht janë 280 pacientë aktivë me COVID19 në të gjithë vendin ndërsa në Spitalin Infektiv po marrin trajtim spitalor të specializuar 9 pacientë.

Që prej nisjes së pandemisë në Shqipëri janë regjistruar 2 456 viktima nga COVID-19 ndërsa rasti i fundit fatal ka ndodhur më 26 qershor.

Ministria e Shëndetësisë dhe Instituti i Shëndetit Publik konfirmojnë praninë e variantit “Delta” të COVID-19 në Shqipëri pas analizave të kryera në Gjermani, por nuk kanë bërë të ditur se sa është numri i rasteve me “Delta”.

Nga ana tjetër autoritetet shëndetësore shprehen se prania e variantit “Delta” përkon edhe me rritjen e infektimeve me COVID-19 në dy javët e fundit në vendin tone.

Varianti Delta i infeksionit Sars-Cov2 është varianti më i transmetueshëm, ndaj vaksinimi dhe respektimi i masave të distancimit fizik, vendosja e maskave në ambientet e brendshme dhe higjiena, janë thelbësore për kufizimin e përhapjes së virusit.

Deri tani në Shqipëri janë kryer mbi 1.1 milionë vaksinime, nga të cilat rreth 496 mijë qytetarë janë vaksinuar me të dy dozat e vaksinës anti-COVID.

Shpërndarja gjeografike e rasteve aktive sipas qarqeve:

Tiranë              98

Elbasan            30

Kukës                29

Vlorë                26

Lezhë               26

Durrës              18

Shkodër           17

Fier                   14

Berat               13

Korçë                6

Gjirokastër        3

LEXONI GJITHASHTU: 

• Konfirmohet prania e variantit “Delta” në Shqipëri
• Varianti Delta mbizotërues në pjesën më të madhe të Evropës, njofton OBSH
• Studimi, dy doza Pfizer ose AstraZeneca efektive kundër variantit “Delta”