A do ta kryejë masën e arrestit brenda selisë së PD?- Ja si përgjigjet Berisha

Ish-kryeministri Sali Berisha është shprehur se opozita do të bëjë gjithçka për t’i dhënë përgjigje kryeministrit Edi Rama, pas votimit në Kuvend të heqjes së imunitetit ndaj tij.

Teksa u pyet jashtë selisë së PD se “nëse gjykata do të vendosjte masën ‘arrest shtëpie’ për të, do ta kryente këtë në shtëpinë e tij apo në selinë e PD”, Berisha tha se kjo çështje do të diskutohet me avokatët.

Ai tha gjithashtu se është në të njëjtën linjë me deputetët demokratë, të cilët sipas tij, e kanë aprovuar kërkën e tij për protesta.

Prononcimi i kryetarit Sali Berisha tek selia e Partisë Demokratike:

Sali Berisha: E patë se cili ishte ligji. Cilido që lexon procedurën dhe sheh, sheh një bandë antikushtetuese në veprim. Kjo është e vërteta.

Pyetje: Cilat do të jenë hapat që do të ndërmarrë PD…

Sali Berisha: Partia Demokratike do të marrë çdo masë për ti dhënë përgjigje Edi Ramës.

Pyetje: Keni zhvilluar takime me deputetët sot, çfarë këshillash i keni dhënë, për çfarë diskutuat.

Sali Berisha: Bisedat private nuk mund të jenë objekt. O sot o kurrë, kjo është motoja.

Pyetje: Cili ishte reagimi i deputetëve, a e aprovuan këtë kërkesë tuaj…

Sali Berisha: I shkëlqyer, i shkëlqyer.

Pyetje: Nëse gjykata merr vendimin për arrest në shtëpi apo në seli…

Sali Berisha: Çështje që do të diskutohet me avoketërit

LEXONI GJITHASHTU:

• Votimi në Kuvend për imunitetin e Berishës, Kulluri: Do ketë debate në Kryesinë e PD
• Pse nuk ka qenë në protestat e Berishës? Përgjigjet Ilir Meta