A do të bëhet Basha pjesë e aksionit opozitar? Baçi: Vetëm si deputet

Deputeti i Partisë Demokratike Luan Baçi tha në një intervistë për Euronews Albania se Lulzim Basha mund të marrë pjesë në aksioni e opozitës së bashkuar vetëm si deputet.

Sipas tij ai nuk mund të kërkojë të jetë pjesë e këtij aksioni si kryetar, pasi ky rol i përkes Salu Berishës, ndërsa si deputet i opozitës dhe i Partisë Demokratike, askush nuk mund t’a heqë të drejtën.

“Zoti Basha mund të jetë pjesë e këtij aksioni gjithëpërfshirës si deputet. Si deputet i parlamentit, si deputet i Partisë Demokratike, absolutisht nuk ia heq njeri këtë të drejtë edhe pse ka punuar kundër Partisë Demoratike.

Partia Demokratike tashmë dihet se kush është. Ka një kryetar të Partisë Demokratike, Doktor Profesor Sali Berishën, ka një kryetar të grupit parlamentar që është zoti Bardhi dhe më lejoni t’ju them që më në fund edhe vetë ndërkombëtarët e pranuan në kuptimin e plotë e të mirë të fjalës se kush është opozita”,-tha Luan Baçi.

LEXONI GJITHASHTU:

• Buxheti 2024, Veliaj: 10 herë më i madh se më parë, sot qyteti është më i sigurt
• Samiti i Diasporës/ Ministrja Koçiu premton bashkëpunim me mjekët jashtë vendit