Berisha, në dijeninë time nuk ka të preferuar në këtë garë, sepse kjo garë i përket anëtarësisë së Partisë Demokratike, i përket anëtarëve.
Kështu iu përgjigj deputeti demokrat, Belind Këlliçi, pyetjes në Euronews Albania, nëse kryedemokrati Berisha e preferon atë kandidat të PD-së përballë kryebashkiakut të Tiranës, Erion Veliaj.
“Kryetari i Partisë Demokratike, zoti Berisha, në dijeninë time nuk ka të preferuar në këtë garë, sepse kjo garë i përket anëtarësisë së Partisë Demokratike, i përket anëtarëve. Unë kam hyrë në këtë garë dhe jam vetëofruar në këtë garë, me modelin tim, me ofertën time. Gjykoj që kam një lidhje shumë të natyrshme dhe shumë organike me të gjithë mbështetësit, simpatizantët e Partisë Demokratike”, theksoi Këlliçi.
Deri më 6 nëntor të gjithë kandidatët që do marrin pjesë në primaret e brendshme të Partisë Demokratike duhet të kenë dorëzuar dokumentacionin.
Kur kanë mbetur edhe pak ditë nga mbyllja e këtij afati, deri më tani vetëm 2 kandidatë janë regjistruar për të marrë pjesë në primaret e 4 dhjetorit.
Belind Këlliçi dhe Gerti Bogdani shpalosën ambicien e tyre për të qenë kandidatë të opozitës në garën për bashkinë e tyre.
LEXONI GJITHASHTU
- Belind Këlliçi për primaret në PD: Pse kam ofertë më të mirë se Gerti Bogdani
- Zgjedhjet lokale, emrat e kandidatëve të mundshëm për primaret e PD-së
- Gara për Tiranën brenda PD, në pritje për konfirmim Julian Deda dhe Ilir Alimehmeti
