A mund të dalë Shqipëria nga Arbitrazhi?/ Përgjigjet Ish-zv.ministrja e Drejtësisë

Francesco Becchetti ka fituar gjyqin në Arbitrazh ndaj shtetit shqiptar që tani i detyrohet 110 milionë euro biznesmenit italian.

Ish-zv/ministrja e Drejtësisë, Brikena Kasmi tha në emisionin Review në Euronews Albania se vendimi është një vendim i zakonshëm që ka vënë një drejtësi private.

Ajo shpjegoi se në rastin e Arbitrazhit kemi të bëjmë me një formë të drejtësisë private, ku politika nuk ka mundësi të ndërhyjë, që ka lindur nga skepticizmi ndaj drejtësisë publike.

“Deklarata e Ramës është një diskurs politik, nuk besoj që ky lloj vendimi për të dalë nga forume të tilla, ka disa, dhe Shqipëria në 90 për qind të rasteve ka qenë humbëse, që do të thotë se nuk kemi qëndrueshmëri në vendin tonë. Faji është i politikës shqiptare, ajo që ka rëndësi është cila qeveri mund të mbajë kontratat, se ka të bëjë me qëndrueshmërinë e vendit tonë”, tha Kasmi.

LEXONI GJITHASHTU:

• “130 mln euro do paguhen”- Soko: Vendimi për Becchettin ditë e zezë për Shqipërinë
• Arben Malaj: Nga lekët tona do paguhet Becchetti, do krijohet gropë në buxhet