A po kthehet COVID-19? Mjeku: Qarkullim më të lartë në vjeshtë, të njëjtat simptoma

Ekspertët e shëndetësisë në të gjithë botën po mbajnë një sy vigjilent mbi llojin “Pirola” të Covid, që po përhapet me shpejtësi.

I njohur shkencërisht si BA.2.86, varianti, një spin-off i ri i Omicron, është alarmues i ekspertëve për shkak të 35 mutacioneve në përbërjen e tij.

Mjeku epidemiolog Ilir Alimehmeti tha në emisionin GoodMorning Albanians se pritet qarkullim më i lartë i këtij infeksioni në vjeshtë, me të njëjtat simptoma.

“Të gjitha variantet e COVID kanë të njëjtat simptoma, mbetet si çdo variant tjetër i rrezikshëm për moshat e thyera. Aq shumë sa janë variantet në fund i njëjti bëhet dominant. Kur vjen puna te spitalet është tjetër gjë tjetër se shuma dërrmuese e popullatës e ka kaluar këtë sëmundje. Te ne kemi mbrojtjen natyrore  se shumica e kanë kaluar një herë  dhe e dyta është vaksinimi”, tha Alimehmeti.

LEXONI GJITHASHTU:

• Pirola, varianti i ri i COVID-19 që po përhapet me shpejtësi
• COVID infekton foshnjat, ISHP: Rastet po rriten, kemi të prekur të porsalindur