Abilekaj: Berisha të ikte pas videos së Metës, do ishin shmangur dëmet që pasuan

Analisti Enton Abilekaj thotë se kryedemokrati Sali Berisha, duhet të kishte dhënë dorëheqjen në vitin 2011 kur ishte kryeministër, pas një publikimit të një videoje që kompromentonte Ilir Metën, asokohe kryetar i LSI, në koalicion me PD.

Në emisionin “Now” në “Euronews Albania”, Abilekaj u shpreh se nëse Berisha do ishte dorëhequr, nuk do të ndodhte 21 janari, apo vjedhja e zgjedhjeve bashkiake në vitin 2011 në Tiranë.

“Sali Berisha, minimalisht duhet të kishte ikur në 2011 kur doli blloku i Ilir Metës. Që zëvendës kryeministrit i del një video kompromentuese të atij niveli, ikën edhe kryeministri. Nëse do e shohim çfarë ka ndodhur që nga ajo video e mbrapa deri në 2013, demët që ka bërë Sali Berisha janë shumë të mëdha. Po të kishte në atë moment, dëmet do ishin shmangur bashkë me 4 viktimat e 21 janarit, bashkë me vjedhjen e zgjedhjeve lokale live në televizion të 11 majit”, theksoi Abilekaj.

LEXONI GJITHASHTU

• ‘Rama po e përdor shtetin si Whatsapp’, Abilekaj debaton me Ndrecajn
• Andi Bushati: Nëse Meta del spiun, Berisha dhe Rama të shporren nga jeta politike