Afrim Gashi nga koalicioni VLEN është zgjedhur kryetar i Kuvendit, me 76 vota pro, 6 kundër dhe asnjë abstenim.
Lajmin e kanë bërë të ditur mediat në Maqedoninë e Veriut, teksa sot po mbahet seanca konstituive e përbërjes së njëmbëdhjetë të Kuvendit, e dalë nga zgjedhjet e rregullta parlamentare që u mbajtën më 8 maj.
Afrim Gashi ishte propozuar për postin e kryetarit të Kuvendit nga koalicioni i partive shqiptare VLEN. Ai ka po ashtu edhe mbështetjen e VMRO DPMNE-së, partisë fituese të zgjedhjeve parlamentare.
Kujtojmë se Gashi deri të hënën ka qenë kryetar i partisë Alternative, kur dha dorëheqje pas nominimit të tij për kryetar të Kuvendit.
LEXONI GJITHASHTU:
- Afrim Gashi: BDI duhet të na ftojë në takim për bashkëpunim
- Premtimi i BDI-së për kryeministër shqiptar, Afrim Gashi: Mashtrimi më i madh në histori