Agjentë të BKH dhe Operacionalja goditen fizikisht nga disa persona në Fier

Një incident ka ndodhur mbrëmjen e së martës në Fier, ku hetuesit e Byrosë Kombëtare të Hetimit dhe Forca të Operacionale të Policisë raportohet se janë përfshirë në një përplasje fizike me disa të afërm të Agron Kapllanaj.

Motivi dhe dinamika e ngjarjes mbeten ende të paqarta.

Policia e Fierit ka publikuar një version të ngjarjes, ku thuhet se incidenti ka ndodhur rreth orës 19:20 të mbrëmjes, në aksin rrugor Fier- Patos. Sipas njoftimit të policisë, shërbimet operacionale të Policisë dhe hetuesit e BKH-së janë goditur nga disa persona gjatë kryerjes së detyrës, të cilët janë identifikuar dhe shoqëruar në Drejtorinë Vendore të Policisë Fier për veprime të mëtejshme.

Policia e Fierit ka njoftuar gjithashtu se të gjitha veprimet hetimore dhe procedurale po kryhen nga Prokuroria e Juridiksionit të Përgjithshëm Fier.

Vetë Kapllanaj në reagimin e tij shpjegoi se persona të paidentifikuar u paraqitën në parkimin e kompanisë së tij në Fier duke kryer filmime me dronë me pretendimin se ishin duke filmuar tokat aty pranë

Ai pretendon se, personat e paidentifikuar u sinjalizuan nga punonjësit e kompanisë dhe të afërmit e tij të largoheshin.

LEXONI GJITHASHTU:

• Zbardhet atentati me armë zjarri ndaj nënë e bir në Fier, arrestohet autori
• Ngacmoi seksualisht të miturën, Prokuroria Fier kërkon arrest me burg për autorin