Agjenti imobiliar: Studentët nuk preferohen nga qiradhënësit, paragjykohen

Agjenti imobiliar, Orges Beti tregoi në një intervistë për “Good morning Albanians” në Euronews Albania se studentët paragjykohen nga ata që japin prona me qira.

Sipas tij ndodh shpesh të ketë student të papërgjegjshëm, por ka një pjesë të tyre që nuk janë problematik dhe kanë vështirësi për të gjetur një vend banimi duke qenë se stabilitetin nuk e kanë si një familje.

“Sigurisht duke qenë të rinj, më aktiv, duke u kthyer në orët e vona, krijojnë dhe shqetësime. Nuk është vetëm problemi i pronarit të apartamentit që e lëshon me qira, por edhe i banorëve që janë rreth e rrotull, pra komunitetit. Dikush mund të ketë një fëmijë të vogël, dikush mund të ketë një person të sëmurë dhe studentët i shqetësojnë sepse kanë orare të çrregullta. Një pjesë e tyre janë problematikë, të zhurmshëm. Ata që jetojnë në grup sigurisht që e bëjnë këtë, jo gjithmonë. Ka dhe njerëz të përgjegjshëm, madje në disa raste duket sikur i paragjykojmë padrejtësisht, duke vënë disa kufizime, por jemi të detyruar,” – u shpreh Beti.

LEXONI GJITHASHTU:

• Rritet çmimi i qirave për studentët
• Austria u vendos kufi qirave të shtëpive, nuk mund të rriten mbi 5% brenda një viti