Aksident në aksin rrugor Pogradec-Korçë, plagoset një person

Një aksident ka ndodhur në aksin rrugor Pogradec – Korçë, ku një person ka mbetur i plagosur.

Ngjarja ka ndodhur në afërsi të kryqëzimit Symizë.

Burime të policisë rrugore pranë vendit të ngjarjes bëjnë me dije se të dyja mjetet kanë qenë duke lëvizur nga Pogradeci në drejtim të Korçës.

Ka qenë drejtuesi i motorit ai që ka goditur nga mbrapa mjetin kamionçinë duke mbetur i plagosur.

Policia nuk e përjashton mundësinë që drejtuesi i motorit ka qenë duke lëvizur me shpejtësi tej normave të lejuara aq sa e ka pasur të pamundur të shmangë goditjen në mjetin që ka pasurr përpara në momentin e përplasjes.

Burime pranë spitalit rajonal të Korçës thanë se i plagosuri ndodhet jashtë rrezikut për jetën ndërkohë që policia po heton për shkaqet e këtij aksidenti, aq më tepër që në atë segment ka kufizim të shpejtësisë për gjithë llojet e mjeteve.

LEXONI GJITHASHTU: 

• Kurti: U cenua siguria kombëtare, duhet bashkëpunim ndërkombëtar
• Daçiç merr në mbrojtje Radoiçiçin: Video nuk është bërë ditën që ndodhi sulmi