Aksidenti në Ersekë-Korçë, shoferi transportohet drejt spitalit të Traumës

Lidhur me njoftimin e dhënë mëngjesin e kësaj të premte ku një automjet u aksidentua në aksin rrugor “Ersekë-Korçë”,  burime bëjnë me dije se shoferi i plagosur me iniciale E.I, është transportuar drejt spitalit të Traumës në Tiranë.

Ai fillimisht u dërgua me ambulancë drejt spitalit të Korçës dhe më pas mjekët kanë vendosur ta dërgojnë drejt spitalit të Traumës për mjekim më të specializuar.

Ngjarja ndodhi në dalje të urës së Selenicës gjatë orëve të para të mëngjesit teksa makina humbi kontrollin dhe u përplas me barrierat prej betoni anës rrugës. Si pasojë e aksidentit mbeti e plagosur edhe bashkëshortja e tij pasagjere në automjet, shtetasja me iniciale Xh.I..

Policia deklaron se grupi hetimor po punon për sqarimin e rrethanave të aksidentit.

LEXONI GJITHASHTU:

• Aksidenti me një viktimë në aksin Peqin-Rrogozhinë, arrestohet shoferi 38-vjeçar
• Përplasi për vdekje këmbësorin në aksin Korçë-Pogradec, arrestohet shoferi 37-vjeçar