Aksidenti tragjik i ndodhur në Greqi në orët e para të së mërkurës, ku si pasojë e përplasjes së dy trenave kanë mbetur të vdekur 36 persona, ndërsa janë shënuar edhe mbi 130 të plagosur, ka ngjallur diskutime dhe pikëpyetje të shumta. I ftuar në një lidhje direkte në Euronews, përfaqësuesi i komunitetit shqiptar në Greqi Edmond Guri është shprehur se një arsyeja e këtij aksidenti tragjik është mos investimi prej kohësh në sistemin hekurudhor.

Sipas tij shërbimi i shinave të hekurudhës në Greqi, nuk është përmirësuar teknologjikisht dhe shërbimi është ofruar në mënyrë manuale.

Ai shtoi se hekurudhat nuk janë të pajisura me pajisje bashkëkohore për informim real të vendndodhjes së trenit

“Kemi një modernizim të hekurudhës, me vagona të reja, përmirësimin e kushteve në këto trena, ulja e kohës së udhëtimit, nga Athina në Selanik e anasjelltas, por fatkeqësisht nuk është bërë e njëjta gjë me shinat, pra me linjën hekurudhore, që do të thotë siç kanë denoncuar dhe denoncojnë sindikatat e punëtorëve të hekurudhës. Prej vitit 2000 e deri më sot nuk është bërë ndonjë investim serioz, madje-madje gjatë gjithë këtyre dy dekadave, shërbimi është ofruar në formë manuale, dhe jo të digjitalizuar duke mos u pajisur me pajisjet bashkëkohore për informim real të vendndodhjes së trenit, kjo solli si rezultat ngjarjen tragjike të mesnatës së kaluar”, u shpreh Edmond Guri për Euronews.

LEXONI GJITHASHTU:

• Zbardhet shkaku i aksidentit në Greqi, arrestohet drejtori i hekurudhës në Larisa
• Mjekët në Greqi: Identifikimi i viktimave do shumë kohë, trupat të karbonizuar
• “Gjak dhe zjarr”, I riu në trenin grek: U duk si tërmet, nxora aq njerëz sa munda