Aktori nga Korça: Sot ka shumë shqiptarë që e marrin nusen për letra

“Nuse vetëm për letra” do të rivihet në skenë në teatrin e Korçës nga regjisori Leka Bungo. Në këtë vepër interpretojnë aktorë të mirënjohur por edhe të rinj dhe bëhet fjalë për një komedi ku trajtohen ngjarje reale.

Në rolet kryesore aktorët e mirënjohur të teatrit si Guri Koço, Zamira Kita, Astrit Hasani, Blerta Belliu e krah tyre edhe aktorët e rinj të talentuar ku Juxhin Plovishti vinte me rol kryesor, si edhe aktorët Franc Bregu, Kristi Baçe e Besfort Berberi.

Aktori nga Korça Franc Bregu, tha në emisionin GoodMorning Albanians në Euronews Albania se shfaqja sjell një pamje të realitetit, pasi sot ka shumë shqiptarë që e marrin nusen për letra.

“Në thelb është biznes, kështu që nuk ka asgjë imorale në këtë mes. Profesor Leka e ka parë, duke qenë vetë në kontakt me realitetin amerikan dhe e di se ç’ndodh atje për të marrë letrat. Është një ngjarje e jetuar. Edhe sot në kohët moderne ka shqiptarë dhe jo vetëm që marrin nuse vetëm për letra. Është shfaqje komedi, e gjitha me situata komike që shkaktojnë të qeshura”, tha aktori.

LEXONI GJITHASHTU:

• Rivihet në skenë “Nuse vetëm për letra”
• Shfaqja artistike për liderët e BE! Koreografia e Angelin Preljocaj për Europën