Akuzohet për trafik droge, GJKKO konfirmon dënimin për ish-truprojën e Tahirit

Apeli i GJKKO-së ka lënë në fuqi dënimin me 8.8 vite burg për ish-truprojën e Saimir Tahirit, Hekuran Markun.

Ai akuzohet për veprat penale “Trafikim i narkotikëve” dhe “Grup të strukturuar kriminal. Sipas njoftimit ai do ta kryejë në dënimin në një burg të sigurisë së lartë.

Ai u vu në pranga në gusht të vitit 2021, ai ishte pjesë e grupit të shoqërimit të Saimir Tahirit, në kohën kur ishte në krye të Ministrisë së Brendshme, në vitet 2014, 2015 dhe 2016.

Ndaj Markut nisën hetimet si pjesë e një grupi kriminal, bashkë me ish-truprojën tjetër të Saimir Tahirit, Agustin Dedën për të cilin ende zvarriten procedurat e ekstradimit.

Marku u ekstradua nga Gjermania në Shqipëri pas kërkesës së Prokurorisë së Posaçme, e cila kërkoi dënim me 12 vite burg por GJKKO vendosi 1 vit më shumë.

Emri i tij doli në operacionin ndërkombëtar të koduar “Shpirti”, në të cilin u vendosën në pranga biznesmenë, prokurorë dhe zyrtarë të lartë të Policisë së Shtetit, të akuzuar si pjesëmarrës në veprimtaritë kriminale të drogës.

LEXONI GJITHASHTU:

• Dështon sërish seanca ndaj ish-truprojës së Saimir Tahirit
• SPAK kërkon 12 vite burg për ish-truprojën e Tahirit