“Albin Kurti po na sfidon”, ambasadori amerikan në Kosovë flet për partneritetin

Marrëdhëniet ndërmjet qeverisë së Kosovës dhe SHBA-se nuk janë në nivelin që këto te fundit do te dëshironin. Kështu ka deklaruar të mërkurën ambasadori amerikan, Jeffry Hovenier, duke thënë se dëshiron të sqarojë një situatë qe disa po e konsiderojnë konfuze.

“Është e rëndësishme që ta sqaroj një çështje që disa na kanë thënë se është konfuze. Shumë prej jush keni parë raportime në media për disa dallime ndërmjet Shteteve të Bashkuara dhe anëtarëve të tjerë të bashkësisë ndërkombëtare me disa veprime dhe zgjedhje politike të Qeverisë së Kosovës të drejtuar nga Albin Kurti. Siç kam thënë në një intervistë javën e kaluar, ne po përballemi me disa sfida të caktuara me Qeverinë e tanishme të Kosovës dhe këto sfida kanë ndikuar absolutisht në cilësinë e partneritetit tonë”, tha Hovenier.

Ai citoi zyrtare te qeverise amerikane dhe porosite qe ata patën për kryeministrin Albin Kurti, ne mënyrë qe këto marrëdhënine te kthehen ne binare.

“Ashtu siç tha zëdhënësi këtë muaj: Qeveria amerikane shpreson që Qeveria e Kosovës do t’i kthehet angazhimit të ngushtë dhe konstruktiv me SHBA-në, BE-në, NATO-n dhe partnerët e tjerë të ngushtë ndërkombëtarë të Kosovës”, u shpreh Hovenier.

Megjithatë, Hovenier përsëriti qe mospajtimet me qeverinë nuk reflektojnë në përkushtimin e SHBA-se ndaj popullit te Kosovës.

“Disa fusha të bashkëpunimit me qeverinë e tanishme të Kosovës mbesin më pak pozitive se që do të kishim shpresuar, përkushtimi i SHBA-së ndaj popullit të Kosovës mbetet po aq i fortë dhe i hekurt si gjithmonë. Ngjarja e sotme dhe përmbyllja e një marrëveshje për të ofruar gati 34.5 milionë dollarë në fonde shtesë për zhvillim për popullin e Kosovës për të mbështetur rritjen e ekonomisë, qeverisjen e mirë dhe integrimin në BE, unë besoj se kjo qartë nëvizon këtë qëllim. Megjithatë, më duhet ta pranoj se ky përkushtim ndaj popullit të Kosovës nuk vlen domosdoshmërish për ndonjë qeveri të caktuar apo për veprimet dhe zgjedhjet politike të caktuara të ndonjë qeverie”, tha ambasadori i SHBA.

Këto komente ai i bëri në një deklarim për media pas nënshkrimit të një marrëveshjeje ndërmjet Kosovës dhe USAID nga i cili qytetaret e vendit do te përfitojnë një fond prej 34.5 milionë dollarë.

LEXONI GJITHASHTU:

• Kurti në SHBA për Konventën Kombëtare Demokratike
• Kurti: Do vazhdojmë konsultimet dhe koordinimet me partnerët tanë për urën e Ibrit