Albin Kurti sulmohet me mjete piroteknike, çfarë ndodhi gjatë takimit në Skënderaj

Një incident i rëndë ka ndodhur gjatë fushatës elektorale për zgjedhjet parlamentare të 9 shkurtit në Kosovë.

Kryeministri Albin Kurti është sulmuar me fishekzjarre dhe mjete piroteknike para se të hynte në sallën ku do të mbante një tubim me mbështetësit e tij në Skënderaj.

Gjatë momenteve kur ai po futej në sallë, disa persona kanë hedhur fishekzjarre dhe mjete piroteknike në drejtim të tij.

Mediat në Kosovë raportojnë se nuk ka pasur lëndime, megjithatë, incidenti ka shkaktuar tensione.

Për më tepër, në afërsi të vendit ku po mbahej tubimi, janë dëgjuar thirrje të dhjetëra simpatizantëve të Partisë Demokratike të Kosovës (PDK), si “Na jena PDK, Thaçi – Thaçi” dhe “Albin hajni”.

Po ashtu, ka pasur dhe thirje të tjera si “Zdravo”, të lidhura me audio-incizimin e fundit të shefes së Grupit Parlamentar të Vetëvendosjes, Mimoza Kusari, me Milan Radoiçiq, një ngjarje që ka shkaktuar polemika të shumta.

LEXONI GJITHASHTU:

• Ekskluzive| Kurti intervistë nga Davosi: Zbulon marrëveshjen, jep detaje nga takimet
• “Trump do t’i vërë kufirin Kurtit”, Këlliçi: Amerika është thelbësore për Kosovën!