Alesia Balliu: Më kontaktuan nga PS për listë të mbyllur por nuk pranova…

Alesia Balliu do të garojë për deputete në krah të partisë të Adriatik Lapajt, “Shqipëria Bëhet”. E ftuar në emisionin “People”, ajo thekson se pavarësisht zgjedhjes së saj politike, të shumta kanë qenë ato parti të cilat i kanë propozuar një ofertë për të qenë kandidate. Më tej, Balliu shpjegon arsye pse ka refuzuar oferta të tilla, përfshirë dhe nga ajo e Partisë Socialiste.

“Kanë qenë telefonata nga shumë parti të ndryshme, përfshirë edhe nga Partia Socilaiste që të shkoja kandidate, por unë jam e djathtë dhe nuk pranova. Më kontaktuan të gjitha partitë, më bënë një ofertë për të dalë kandidate në Elbasan në listë të mbyllur.

Refuzova sepse bindjet e mia janë të djathta dhe padiskutim që do të shkoja tek një parti me bindje të djathta, që ishte konservatore dhe që mbron garën meritokracinë. Unë nuk kërkova privilegje nga PD-ja që të isha në listë të mbyllur”, u shpreh Alesia Balliu.

LEXONI GJITHASHTU:

• Analisti serb: Vuçiç mund të përdorë grupin terrorist të Banjskë kundër protestuesve
• G7 nxit Rusinë të pranojë armëpushimin, ose të përballet me sanksione të mëtejshme